خولی فێربوونی زمان

هەموو خولێک دوو تا سێ ئاستی جیاوازی دەبێت بەپێی ژمارە و ئاستی بەشداربووان. لە هاوینەفێرگەی ئەمساڵدا، خولی زمانی «ئینگلیزی» و «عەرەبی» بە ئاستی جیاواز بەردەست دەبن.

تاقیکردنەوەی زانستی

هەفتانە لە تاقیگەی تایبەتدا وانەی تایبەت دەخوێندرێت و بەشداربووان هەم خۆیان بەشداری تاقیکردنەوەکان دەبن و هەم بە کردەکی دەیبینن. بەپێی تەمەن و ئاستی منداڵەکان تاقیکردنەوەکان دەگونجێنرێن.

مەلەوانی

لە ڕێی ڕاهێنەری تایبەتەوە منداڵان ئاشنا دەکرێن بە مەلەوانی و ترسیان لە ئاودەشکێنرێت و فێری هونەرە سەرەتاییەکانی مەلەوانی دەکرێن.

گەشتی نێو سروشت

فێرخوازان دەچنە نێو سروشتەوە فێری چالاکی هەمەجۆر دەکرێن، هەر لە چۆنەتی مانەوە لە سروشت هەتا پەیدۆزی گژوگیا و مێروو و گیانەوەر ...هتد، جگە لە ژینگەپارێزی و سروشتدۆستی.

هونەر و کاری دەست

وێنەکێشان و کاری دەستی هەمەجۆر لە ڕەنگکاری، تابلۆکێشی و ڕازاندنەوە و ناساندنی ڕەنگ و چۆنەتی تێکەڵاوکردنیان، بەشێکی سەرەکی ئەم خولە دەبن. چالاکییەکی چێژبەخش و پڕ ئافراندنە!

ماتەماتیک و یاری فێرکاری

لەسەر چوار ئاستی جیاواز و بە نوێترین بەرنامە و شێوازی فێرکاری لە ڕێی یارییەوە توانای فێرخوازان ڕادەهێزرێت. ڕاهێنانەکانیش هەمووی کردەکی دەبن!

میوزیک

ئاشناکردنی بەشداربووان بە میوزیکی کوردی، گۆرانیگوتن و ناساندنێکی بەرایی بە هەڵپەڕکێ و سەمای کوردی بەشێکی سەرەکین دەبن لەم خولەدا. ئەمانە پێکەوە لایەنێکی گەنجینەی کوردەوارییمانن.

وێنەگرتن و فیلمسازی

فێرخواز فێری شێوازی وێنەگرتن دەبێت و لەبەریشەوە ئاشنا دەکرێت بە فیلمسازی، هەوڵی سادە دەرێت لەگەڵ منداڵان تا خۆیان وێنە بگرن و فیلم ساز بکەن. چالاکییەکی زۆر شادیبەخش و پڕ شانازی دەبێت.

لایەنی کۆمەڵایەتی و پەروەردەیی

چالاکی و وانەی تایبەت بە ڕاهێزانی لایەنی کۆمەڵایتی و پەروەردەیی و بەها کۆمەڵایەتییەکان لەڕێی یاری و چالاکیی هەمەجۆرەوە بەشێکی سەرنجڕاکێش دەبێت لە خولەکان.